Anu ang Aking Gagawin Kung Kinakapos na Ako sa mga Bayarin?

Kapag kinakapos na sa bayarin, dalawang bagay lang ang iniisip nating gawin:
1.  Magdagdag ng Mapagkikitaan
2.  Magbawas ng gagastusin

Sa dalawang nabanggit, naayon din dito ang nabanggit ni +Robert Kiyosaki na Budget for Surplus, at Budget for Deficit.  magkatugma ang unang nabanggit (1&2) sa huli.

Ang mainam na gawin ay Budget for Surplus. at Magdagdag ng Mapagkikitaan.  Sisimulan mo ito sa pagsasaayos ng prioridad ng pagkakagastusan. Heto ang pagkakasunod ayon sa prioridad:

Budget for Surplus

   1.  Ikapu

   2.  Savings

   3.  Capital o Puhunan

   4.  Taxes

   5.  Mortgage

   6.  Living Expenses

   7.  Utilities

Sa pagkakataon ito, dahil huli ang iyong Utilities, maaring kakapusin ka na sa pambayad mo sa:

   1.  Kuryente

   2.  Tubig

   3.  Cable TV

   4.  Telepono

   5.  Cellphone

   6.  Internet

Pero, hindi ito dahilan para matakot.  Kung gagawan mo ng paraan na madagdagan ang kabuuang kinikita, at uunahing bayaran ang Ikapu, Savings, Capital, ito ang maaaring mangyari sa iyo:

   1.  May maiipon ka para sa mas importanteng pagkakagastusan:

        (a)  panggastos kung sakaling ikaw ay mawawalan ng trabaho (6months savings).

        (b)  pang-puhunan para sa negosyong makapagdadagdag ng pagkakakitaan.

   2.  Mas mahahasa ka sa larangan ng paghawak ng kaperahan

        (a)  dahil ikaw ay sasabak sa negosyo, mas gumagaling ang iyong paraan para kumita

        (b)  kahit na ikaw ay hindi kumita sa unang pagkakataon, mas magiging matalino ka sa 

               susunod.

   3.  Lalawak ang iyong pagiging maparaan

        (a)  makikita mong hindi husto ung laging nakadepende lamang sa iyong suweldo na 

               limitado.

        (b)  dahil may paraan ka na, mas magagawa mong palakihin pa ang iyong kinikita sa 

               abot ng iyong makakaya o gustong mangyari.

        (c)  sa kalaunan, mas lalong palago ng palago ang iyong pagkakakitaan, dahil padagdag 

              ng padagdag ang iyong kaalaman para mas maging magaling na negosyante.

Magdagdag ng Mapagkikitaan

Ngayong naisaayos mo na ang iyong prioridad ng pagkakagastusan, ikaw naman ngaun ay handa ng magdagdag ng Mapagkikitaan.

Dahil sa iyo ng napagtanto na mas mabigat ang kapakanan ng pag-Budget for Surplus, maaari ka ng magipon para sa Savings at Capital.

At sa panahong may puhunan ka na at nakaipon na ng savings, hindi tatagal ang 6 na buwan o isang taon, maari ka ng mag-resign sa trabaho.  At sa pagresign mo, hinding hindi mo na babalikan ang mabuhay ng nakadepende sa suweldo na laging limitado, at nag-aantay ng di mapunang pagkakagastusan.

Anu-Ano ang dapat Paglalaanan ng Pagkakagastusan

Minsan, hindi natin mapigilan ang ating sarili na gumastos ng gumastos.

Sa tuwing umiikli ang araw bago dumating ang suweldo, siya namang pag-haba ng listahan ng ating mga pagkakagastusan.

Dahil sa sobra ang ginagastos, lagi na lang tayo nagkakaron ng pagkukulang sa pinansiyal.

Tulad mo, ako rin ay dumaan sa ganitong sitwasyon. Nagbigay ako ng budget, pero di ko rin nasunod; at parang pakiramdam ko na kahit masunod ko man ay kulang pa rin.

Pero nakahanap ako ng solusyon!

Nabasa ko ang libro ni +Robert Kiyosaki, sinabi niya na dapat kong tingnan sa ibang angulo ang konsepto ng pagbuo ng budget.

Dalawang bagay daw ang pagbuo ng budget:

     1.  Budget Deficit

     2.  Budget Surplus

Karaniwang ginagawa natin ay Budget Deficit. Pero ang nararapat na gawin ay ang Budget Surplus!

Ang Budget Deficit daw ay laging nagdadala sa ating na kailangang gumastos sa mga bagay na maaring hindi naman natin kailangan.  At nagtutulak sa atin na magtipid para sa sarili.  

Sabi ni Robert, hindi naman dapat tayo ay magtipid para sa sarili, bagkus dapat nating gawing unahin nating bigyan ang ating sarili, o pay  yourself first, aniya.

Budget Surplus

At sinabi niyang ganito ang pagkakasunod na pag-importante ng pagkakagastusan

   1.  Ikapu

   2.  Savings

   3.  Capital o Puhunan

   4.  Taxes

   5.  Mortgage

   6.  Living Expenses

   7.  Utilities

Budget Deficit

Sa kadalasan, ginagawa natin ay ganito

   1.  Taxes

   2.  Utilities

   3.  Mortgages

   4.  Living Expenses

   5.  Savings

   6.  Capital o Puhunan

   7.  Ikapu

At sa maraming pagkakataon, hindi na umaabot ang ating suweldo sa huling tatlo.

Dapat daw nating isaayos ang ating prioridad na tulad ng sa itaas (Budget Surplus; Pay yourself First!)

Kapag ganito ang ating ginawa, siguradong mas madadagdagan ang iyong pera, sobra pa sa iyong pagkakagastusan.

Ngunit, ang ibig sabihin ng "Pay yourself first" ay hindi ibig sabihin bumili na kaagad ng mga bagay na sa tingin mo ay gusto mo.  Ang unang tatlo:  Ikapu, Savings, Capital, ay mismong mga bagay na magagamit mo ng tunay para makapaglaan ng ipangbibili mo ng kagustuhan mo paglaon.

|Ano ang ibig kong sabihin dito.

Ang Capital o Puhunan.

1.  Kapag nakaipon ka ng puhunan, maari kang makabuo ng negosyo na makapagdadagdag ng iyong kinikita o Cash on Hand.

2.  Kapag mataas na ang iyong kinikita sa iyong nabuong negosyo, maari mo nang bilhin ang mga bagay na gustong gusto mo.

Ang Savings

1.  Kapag nakaipon ka ng Savings, may magagamit kang pang-gastos sa kalamidad, pang-ospital, pang-gamot, at higit sa lahat gastusin kung ikaw man ay mawalan ng trabaho.

2.  Kung maiipon mo ang 6 na buwang gastusin, kakayanin mong mabuhay ng 6 na buwan habang ikaw ay naghahanap ng bagong pagtatrabahuan.

3.  Kung ikaw ay nagnenegosyo na, ang anim na buwan mo ay maari mong gamitin na Back up kung sakaling hindi ka pa kumikita sa iyong negosyo.

Ang Ikapu

1.  Ito ay ayon lamang sa paniniwalang ang Diyos ang ating kasama sa lahat ng aspeto ng ating buhay.  Ibig sabihin, siya ay ating Katuwang sa ating pinagkukuhaan ng ating pinagkakakitaan, maging sa trabaho o negosyo. 

2.  Ang ibig sabihin ng ikapu ay 10%,  pero maaaring ito ay mas higit pa, o naaayon sa iyong pananalig na ang iyong ibinibigay ay nararapat.

Ang konseptong Budget Surplus ay naglalayong magdadagan ang iyong kaperahan (Surplus, ibig sabihin Sobra sobra).  Hindi tulad ng Budget Deficit na naglalayong isakto lamang ang ating pinagkakakitaan sa pagkakagastusan.

Kung higit sa aking pagkakakitaan ay mapupunta sa Savings, Ikapu at Capital, Paano, naman kung kakapusin ka na sa mga bayarin sa Utilities?

Basahin mo ang aking blog na:  Anu ang Aking Gagawin Kung Kinakapos na Ako sa mga Bayarin?

Paano Magkapag-ipon ng Puhunan?

Parehas mo, ako ay naging isang empleyado din.  Pinag-isipan mo kung paano ka makaka-ipon ng pang-puhunan sa iyong naisip na negosyo.

Sinimulan ko ang aking pag-iipon sa ganitong paraan.  Sana magamit mo rin para ikaw ay makaipon ng iyong pang-puhunan.


Heto ang mga sumusunod na paraan:

1.  Bumili ng Alkansya, at simulang mag-impok dito ng parte ng iyong pinagkakitaan.

2.  Mula sa iyong pinagkakitaan, kumuha ng 5% hanggang 10% nito at ilagay sa iyong alkansya.

3.  Kung puno na ang iyong alkansya, maari mo na itong buksan.

4.  Kapag nabuksan mo na, magbukas ka ng ATM Account, tatawagin mo itong Capital Account.

5.  Upang masiguro na hinding hindi mo gagamitin ng hindi sa iyong layunin ang pera sa Capital Account, ipatago ang ATM sa isang kaibigan,

6.  Ang password ay para sa iyo lamang, ATM lang ang para sa iyong kaibigan.

7.  Magbigay ng kondisyones sa kaibigan kung kelan at papano mo lang pwede gamitin ito.

8.  Kapag naipon mo na ang iyong tinatayang puhunan, antayin muna na madagdagan pa ng 30% ng iyong puhunan ang Capital Account, bago mo kuhain ang iyong puhunan na inipon. ito ay para lamang may matitira pa sa iyong ATM.. Magagamit mo rin ule ito sa susunod na iyong pag-iipunan ng puhunan.

9.  Muling gumawa ng panibagong pagpupuhunanan.

10.  Ipagpatuloy ang ganitong gawain.


Sa iyong paninindigan na kailangan mong mag-impok, dapat ay maging matatag sa iyong layunin:  Na kailangan mong maka-ipon ng iyong pang-puhunan!  Sa tulong ng iyong kaibigan na humahawak ng iyong ATMs, mapipigilan mo ang iyong sarili na gamitin ito ng hindi sa tamang panahon.

Sana nakatulong ako sa iyong layunin.

Magplano para sa Sariling Pinansyal

Napag-isipan ko ng matagal kung anu-ano ang aking gagawin para ako ay maging EntrePinoy.  Pinagsikapan kong magbasa-basa ng mga libro, blogs, newspapers, ebooks, web articles at marami pang iba. 

Sa lahat lahat, may nagawa akong plano para sa akin.  Naniniwala rin ako na maari din itong magamit ng katulad mo na nais ding maging EntrePinoy.

Isinulat ko ito sa istilong nagbibigay ng instruksiyong sa isang tulad ko.  Kaya makikitang nakatuon din ng pagsasalita sa bumabasa.

Heto ang isinasaad ng aking pinaplano:


Pagsasaisangtabi ng Pinagkakitaan

1.  Magtalaga ng dalawang alkansya na may pangalan ang bawat isa (1) Savings (2) Capital.

2.  Mag impok ng parte ng iyong pera kada kinsenas para sa iyong Savings.

3.  Mag impok ng parte ng iyong pera kada kinsenas para sa Capital.

4.  Sa bawat suweldo na iyong makukuha maglagay ng 10% ng iyong kinita at itabi ito sa Saving at Capital (20% ang kabuuan).
     halimbawa sa isang kinsenas

  suweldo  P5,000  x  10 %   =    500  Savings

P5,000  x  10 %   =    500  Capital

P1,000 (20%)

6. Hindi kinakailangang 10 % kaagad ang iyong panimulang kukuhain sa iyong suweldo.  Pupuwede itong 3% hanggang 10%; sa ibang pagkakataon maaari namang higit sa 10% ang iyong ilalagay sa Savings o Capital.

Pag-iipon para sa Savings

1.  Gagamitin mo ito sa pagkakataon lamang na ikaw ay nawalan ng nang pinagkakakitaan

2.  Hahayaan mo lang ito nang hindi ginagastos kundi sa kundisyon lamang na wala ka ng paggagamitan para sa:

a) Pagkain kung wala na talagang mapagkukuhaan.

b) Panbili ng gamot o panghospital (kung talagang wala nang mapagkukuhaan 
           o wala ka ng pinagkakakitaan.

3.  Ito ang iyong kaperahan na huling huli sa lahat ng iyong mapagkukuhan.

4.  Kung gagamitin mo ang Savings, gumamit ng para lamang sa:

  (a)  Pampagamot, o pampahospital
     (b)  Pagkain sa pang-araw araw hanggat wala pang  pinagkakakitaan

5.  Kung sakali mang magagamit mo ang kaperahan sa Savings, siguraduhing may maititira kang 25% ng kabuuang naipon. gagamitin mo ito para sa panimulang kaperahan sa iyong Savings.

6.  Ang mabuting savings ay 3 hanggang 6 na buwang gastusin. sikapin na mapanatili ang ganitong kaperahan; kapag nagwa mo na napapanatili ang ganito, maari mo nang ipasa sa Capital ang dapat para dito.  Mas makabubuti ito dahil maaari mong madoble ang halaga kapag magagamit para sa puhunan sa negosyo.

7.  Kung sa tingin mo ay dapat mong ilagay na sa banko ang iyong naipon, gawin mong tig-isang banko o atm sa Savings at Capital. ang mga ito ay tatawagin mo na iyong Savings Account at Capital Account.

8.  Para iyong masigurong hindi-hindi mo magagalaw ang iyong mga ATM Accounts, gawin mo ang sumusunod:

  (a) alamin ang password ng dalawang accounts.

  (b) Humanap ng mapagkakatiwalaang kaibigan, huwag ang iyong asawa, at ipatago sa kanila ang mga ATMs. ngunit hindi mo ibibigay sa kanila ang password.

  (c) bigyan mo sila ng kundisyones sa kung kelan mo lang pwede kuhain sa kanila ang ATM. sa ganitong pagkakataon, hindi mo magagalaw ng wala sa panahon ang iyong perang iniipon.

  (d) ngaung hindi mo na ginagamit ang alkansya, sa tuwing ikaw ay mag-iimpok, sa mismong banko mo na itutuloy ang iyong dalawang 10% ng iyong suweldo.

Mga Mapagkakaperahan 
(ayon sa pagkakasunod ng pagkukuhaan)

(1) Negosyo 
(2) Trabaho 
(3) Utang 
(4) Bentahe 
(5) Sanglain 
(6) Savings

Pag-iipon para sa Capital

1.  Gagamitin mo ito para lamang sa pampuhunan.

  halimbawa:  buy and sell; cellphone loader; bigasan; atbp

2.  Bilangin ang naiimpok ayon sa tinatantiya mong pupuhunanin

  halimbawa:  Puhunan P7,500 para sa buy and sell.

3.  Siguraduhin na kapag hinati mo sa apat ang kaperahan dito ay ung ikatlong hati (75%) ay katumbas ng puhunan na iyong gagamitin. ang natitirang ikapat ng hati (25%) ay maiiwan muli para sa susunod na iyong pampupuhunanan.

  Halimbawa: P10,000     kabuuang naimpok

P 7,500 ikatlong hati    (75%) 

P 2,500 ikapat na hati (25%)

4.  Alamin muna bago mo gamitin ang puhunan kung may maibabalik ba sa iyo sa maagang panahon (Return on Investment). ito ba ay maibabalik sa loob ng isang buwan, dalawa o isang taon. tandaan mas mabilis maibalik, mas makabubuti.

5.  Tandaan ang Law of Compounding: kung sa bawat pagkakataon ay madodoble mo ang iyong kaperahan.

  Halimbawa:  1 - 2 - 4 - 8 - 16 - 32 - 64 - 128 - 256 -  512 - 1,024 - 2,048 - 4,096 - 8,192 - 16,384 - 32,768 - 65,536 - 131,072 - 262,144 - 524,288 - 1,048,576 - 2,097,152 

6.  Ang iyong P1 sa una ay magiging ganito na (P1,048,576) sa patuloy na pagdoble ng pinupuhunan mo sa ika-21 pagkakataon. mangyayari lamang ito kung ang iyong puhunan ay hindi mo ginagastos, at ito ay iyo lamang ginagamit na pangpuhunan ng paulit-ulit ng padoble ng padoble.

7.  Kung ang pagdobleng ito ay magagawa mo sa loob ng 2 taon, anu pa kaya ang iyong makukuha sa pagdating ng ika-3 o ika-10 taon? 

8.  Kung kukuha ka ng negosyo, ang iyong pinaka patutunguhan ay ang negosyong pupuwede mong iwanan, o ung hindi kinakailangang ikaw ay nandun para kumita.  gagawin mong pag-aari ang negosyong ito, at hindi empleyado ng sarili mong negosyo.

9.  Kapag nagawa mong magpahinga o iwanan ang iyong negosyo at patuloy na kumikita ito; nagampanan mo na ang tinatawag na Financial Freedom.

10.  Upang mas magamit mo ng sobra-sobra ang law of compounding, muli kang magtayo ng panibagong negosyo, hanggang sa muli ito ay kaya mo nang iwanan at magpatuloy muling magtayo ng negosyo...

11.  Katulad din ito ng mga bilang na nakasulat sa itaas. sa ika-4 na pagkakataon ang negosyo mo ay maaring maging 8 na!

12.  Dahil sa nagampanan mo na maging isang tunay na mayaman, gawin mo ring maibalik ang iyong mga nakamit.

13.  Maaari mo itong maibalik sa sumusunod:

  (a) pagtatayo ng Foundation, na ang layunin ay tumulong sa nangangailan; ikaw na ang makapagsasabi kung ano ang klase ng mga nangangailangan.
     (b) kung ikaw ay may pinananalig sa Diyos, maari mo ring magbalik ng kayamanan ayon sa iyong nakikitang nararapat ibigay. sa bahaging ito ang aking mungkahi sana ay iyong simulan sa unang pagkakataon na ikaw ay kumikita na. kahit na maliit, ito ay magandang gawain. sa paniniwalang ang pinagmulan ng lahat ay sa Diyos,

  (c) Magtayo ka ng negosyo na naglalayong magturo sa mga katulad mo, na nagnanais ding makarating sa iyong kinalalagyan ngayon.

  (d) maging isang tagapagsalita sa mga grupo ng tao na nagnanais ding yumaman gaya mo.


Hindi ko sinasabing ito ay saktong saktong magandang gawin.   Dahil alam kong sa mga darating na pagkakataon, maaaring baguhin ko ito para sa mas makabubuting paraan.  Maari ding, hindi na kinkailangang daanan pa ang iba sa mga ito.

Ito ang aking pinaplano sa aking Journey para maging EntrePinoy.

101 Paraang Maari mong Pagkakakitaan?

Oo, may paraan para may mapagkakitaan... May 101 paraan!

Isang Entrepreneur ang aking sinusundan, at akin ding ibinabahagi ang kanyang mga sinasabi na alam kong makakatulong din sa ating mga nais maging EntrePinoy.

Nabasa ko ito kay +Khoa Bui, alam kong makakatulong ito.


Nandito ang link ng kanyang webpage:

http://www.secretsentrepreneur.com/business/work-from-home-ideas-you-can-start-today/

Saan Maaring may Mapagkuhaan ng Pagkakakitaan?

Minsan na natin naiisip kung paano madadagdagan ang ating pinagkakakitaan.  Ako rin ay dumaan na sa ganitong pagmumuni, marami rin akong naisip.  Kaya lang, gaya ng nakararami, parehas tayo ng iniisip:  Saan ako kukuha ng puhunan?

Ang aking hangarin ko ngayon ay maibahagi ang aking iniisip na gagawin kong pagkukuhaan ng pakakakitaan.

Eto ang listahan ng aking pagbibigyan ng panahon para pagkakitaan.

1.  Distributor ng magagandang Health Products

2.  Pag-design ng mga Bahay (akin pong propesyon ay Arkitekto)

3.  Buy and Sell

4.  Interior Design

5.  Tutorials (Musical Instruments)

6.  Maki-tie up sa Serbisyo ng ibang kakilalang negosyante (hal: construction, estimate, supervision, atbp.)

7.  Maging Networker

8.  Mag-Blog

9.  Part Time Teaching

10. Student Coach

Sa pagkakaroon ng maraming mapagkakakitaan, may magagamit ako sa paglalaanan ko ng aking sariling nenegosyohin.

At sa mga paraang ito, may matutunan ako na siguradong magagamit ko bilang isang EntrePinoy.

May nabasa akong isang artikulo na gawa ni +Khoa Bui.  Nais din niyang makatulong sa mga taong nag-iisip paano makapagsimula sa negosyo. 

Eto ang link:

http://www.secretsentrepreneur.com/entrepreneurship/website-entrepreneur-top-10-online-businesses-start-today/

Hangad ko ang makatulong, sana may naibahagi na naman ako sa mga makakabasa nito.

Paano Ako Magiging EntrePinoy?

ENTREPINOY

Paano nga ba ang maging EntrePinoy?  Ito ay matagal ko ng pinag-iisipan, may mga ideyang dumadating sa akin, na maaaring magamit pang negosyo, pero sa dahilang wala akong puhunan, nanatiling mga ideya ang mga iyon.

May nabasa akong eBook na gawa ni +Khoa Bui, isang entrepreneur, nabanggit niya na puwedeng magsimula sa paggawa ng Blog na katulad nito.  Matagal na akong gumagawa ng blog, pero hindi ko inisip sa ganitong paraan.  Noon ang naisip ko lang ay isulat ang aking mga naiisip, pero minsanan lang, at hindi pinaplano o pagtutuunan ng tamang panahon.  

Ngayon, iba na ang aking iniisip para sa paggawa ng blog.

Napag-isipan ko kung ano ang tema ng aking mga isusulat.  At napagtanto ko na ang aking paglalaanan ng mga ideyang aking isusulat ay ang mga nais kong gawin sa aking Journey bilang isang EntrePinoy.

Bibigyan ko ito ng kakaibang tono.  Gagawin kong parang ako mismo ang nagbibigay ng payo sa aking sarili.  At para bang lahat ng mga isusulat ko ay para lamang sa isang tagapagbasa--ito ay ang aking sarili.

Lahat ng aking isusulat dito ay akin din mismong Journal, mga bagay na aking pinaplanong gawin, at mga bagay na aking ginawa na nagkaron ng mabuting idinulot sa akin, o sa mga kaibigan.

Kaya sa aking isusulat, at sa aking pananaw, nais kong may ibang tao ding makakapulot ng paraan o aral para magamit din sa kanila katanungang: "Paano Ako Magiging EntrePinoy?"

Tara simulan na natin!


Alex Refuerzo

Paano ako Makakaipon ng Matagal?

Aking Sariling Pag-iipon

Nabanggit minsan sa akin ng aking kaibigan na gusto niyang mag-ipon ng pera para sa kanyang Savings.  Hindi ko man sinasadya, pero ako rin ay naintriga kung pano nga ba.  Sa aming kuwentuhan nagkasundo kami sa isang problema:  paano kami makakaipon ng matagalan, nang hindi namin biglaang kukuhain ito ng wala sa panahon, o sa maling dahilan.  

May mga ilang araw ding lumipas, pagkatapos ng aming pag-uusap.  At dumating ang araw ng aking suweldo, pumunta ako sa isang ATM para mag-withdraw. Pagkatapos kong ma-withdraw ang perang kailangan ko, at saktong pagtalikod ko sa ATM, biglang may ideya akong nakita.  Sa mga sumunod na araw, pinagmunian ko pa ito at pinagyaman.

Pagkalipas ng isang linggo mula ng huli naming pagkikita ng aking kaibigan, ibinahagi ko sa kanya ang aking nagawang solusyon sa aming magkaisang problema. At humingi ako ng iba pang suhestyon sa kanya.

Sa ibaba ang aming nabuong 10 paraan:



Sampung Paraan ng Mabuting Pag-iipon

1. Maglaan ng 2 alkansiya. isa para sa Savings, at isa para sa Capital.

2. Ang Savings Alkansya ay iyong gagamitin para lamang sa emergency, tulad ng pagkawalan ng trabaho, o kaya nagkasakit na kailangan maospital, o iba pang mabuting dahilan na iyong mapagkakasunduang itatalaga.

3. Ang Capital Alkansya ay iyong gagamitin para lamang sa pag-iipon ng iyong pupuhunanin. halimbawa, ikaw ay mangangailangan ng P8,000 para puhunan sa buy and sell.

4. Antayin na ang alkansya ay mapuno, at kung ito ay napuno na, isa man sa kanila o ng sabay ay idideposito mo na sa bangko.

5. Sa bangko, magbukas ka ng ATM Accounts, dito mo ilagay ang mga naimpok mo sa mga alkansiya.

6. Para sa dalawang alkansya, magbukas ka ng 2 ring ATM Accounts:  Isa para sa Savings Account; at isa para sa Capital Account.  Ngayon, ito na ang itatawag mo sa mga naimpok mo.   Mainam na 2 magkaibang bangko ay iyong pagbubuksan para sa mga naipon. (Maaari din namang, mismong sa ATM Bank Account mo na simulan, kahit hindi na mag-alkansya).

7. Pagkatapos mong makuha ang 2 ATMs, humanap ng 2 tao na iyong mapagkakatiwalaan. ipatago mo sa kanila ang ATM isa bawat tao.  Huwag mong ibibigay ang ATM password sa kanila, para hindi nila magagamit ang laman nito.

8. Maari mong ipatago ang iyong mga ATMs sa mga kaibigan, maliban sa iyong pamilya.  Dahil kapag nagdesisyon din ang iyong pamilya na inyong kuhain ang pera, hinding hind mo na mapipigilan ito. Kailangan maging matatag ka sa iyong pagtatalaga ng iyong naimpok.  Kung ito ay para sa puhunan lamang, gawing sa puhunan lang ito, at hindi para kung saan.

9. Sa pagpapatago ng iyong ATM sa mga kaibigan, Abisuhan mo sila na may kundisyones ang mga ito para iyong magamit. Hallimbawa, Para sa Capital Account, kung nakaipon ka na ng iyong tinatayang puhunan, maaari mo nang i-Withdraw ang pera. ngunit, panatilihing may matitirang pera dito.

10. magpatuloy sa pag-iimpok, at patuloy na ulit ulitin ang ganitong Habit.

Pagkatapos Makaipon

Makalipas ang ilang buwan, ang kaibigan ko ay nagkuwento sa akin na nagawa niya ang pinaglaanan ng kaniyang pinag-ipunan.  Nagawa niyang makapagpaayos ng kanilang bahay.  Naibili niya ng materyales na kakailanganin sa pagpapaganda ng bahay nila.

Sa akin naman, sa aking pinag-ipunan, nakag-ipon ako ng aking pinang puhunan para sa pagiging distributor ng magandang Health Products.

Sa ganitong paraan, sa aking paniniwala ay mas makakaipon tayo ng mainam, at sa tamang panahon.  Gawin ito at siguradong makakamit natin ang munti o malakihang tinatayang pagkaka-ipunan.